Активист Адилет Балтабай камакка алынды
- 2 года мурун
Жарандык активист Адилет Балтабай «массалык башаламандыкка чакырык жасаган» деген айып менен камакка алынганын саясатчы Равшан Жээнбеков кабарлады.
Адилет Балтабай бүгүн, 30-июнда Бишкектин Биринчи май райондук милициясына сурак берүү үчүн алып келинген.
Активист өзүнө коюлган айыпка макул эмес экенин айтып билдирүү жасаган. Ал өзү муну оппозициялык маанайдагы активдүүлүгүнө байланыштуу деп эсептейт.
Адилет Али Мыктыбек Бишкектеги ар кандай нааразылык акцияларды, митингдерди социалдык тармактарда түз эфир аркылуу чагылдырып жүрөт.
Муну бөлүшүү
