Адам өлтүрүүгө шектелип издөөдө жүргөн чет өлкөлүк жаран Кыргызстанда кармалды
- 2 года мурун
Адам өлтүрүүгө жана карактоого шектелип издөөдө жүргөн чет өлкөлүк жаран Кыргызстанда кармалды. Бул тууралуу Ички иштер министрлигинин басма сөз кызматы билдирди.
Милициядан билдиришкендей, кармалган жаран Өзбекстандын Кылмыш-жаза кодексинин «Сот белгилеген жазадан качуу», «Каракчылык» жана «Адам өлтүрүү» беренелери боюнча айыпталып, 2020-жылдан бери издөөдө жүргөн. Өзбекстандын ички иштер органдары шектүүнү кармоого көмөктөшүү өтүнүчү менен Кыргызстандын ИИМине кайрылган.
ИИМдин Кылмыш иликтөө башкы башкармалыгынын ыкчам кызматкерлери комплекстүү ыкчам-издөө иш-чараларын жүргүзүп, анын натыйдасында шектүү кармалып, учурда мекенине экстрадициялоо маселеси каралып жатат.
Муну бөлүшүү
