Трамп мусулман лидерлерин экстремизмди жоюуга чакырды
- 7 лет мурун
- Маек
АКШ президенти Дональд Трамп 50дөн ашуун мусулман өлкөлөрүнүн лидерлерине кайрылып, Жакынкы Чыгышта “экстремизмди жоюу” максаты менен «мамлекеттердин коалициясын» куроого үндөдү. АКШ президенти мындай чакырыкты Эр- Риядда, Араб — Америка саммитинде сүйлөгөн учурунда жасады.
АКШ президенти убада кылгандай, алар “өз жашоо образын башкаларга таңуулабайт, бирок ишеним жана кызматташтык духунда башкаларга кол сунмакчы».
“Бул — түрдүү диндер, секталар же цивилизациялар ортосундагы күрөш эмес, адам өмүрүн кыйууга умтулган варвар кылмышкерлер менен аны сактоону көздөгөн ак ниетүү адамдар ортосундагы күрөш. Бул- жамандык менен жакшылыктын” ортосундагы күрөш”,- деди Трамп.
Дональд Трамп АКШ президенти катары алгачкы чет элдик сапарынын алкагында Сауд Арабияга ишемби күнү келген. Араб — Америка саммити визиттин экинчи күнүндө өттү.
