Карта ачылды: Сооронбай Жээнбеков КСДПнын талапкери болот

КСДПнын саясий кеңешинин жыйыны алдыда боло турган Президенттик шайлоодо Сооронбай Жээнбековду талапкер кылып алып чыгуу чечимин кабыл алды. Буга чейин ким талапкер болору табышмак болуп келген эле. Акыркы учурда коомчулукка көбүрөөк чыга баштаган Сапар Исаков болот го деген шектенүү бар болчу. Бирок Президенттин аппарат жетекчиси Сапар Исаков бул имиштерди четке кагып, Президенттикке ат салышпай турганын жарыялады. Айрым маалыматтарга караганда, Сапар Исаков Премьер-министр болушу күтүлүүдө.