ВИЧ оорусун жугузган ийнелер (фактчекинг)

Мессенжерлер аркылуу Бишкектин отургучтарында ВИЧ оорусун жугузган медициналык ийнелер табылып жаткандыгы тууралуу маалымат тарап жатат.

Сүрөттө көрүнүп тургандай ийнеде кандын издери бар. Биз бул маалыматтардын фейк экендигин аныктап көрдүк.

Биринчи кезекте сүрөттү көчүрүп алып, Google же каалаган башка издөө системасына киргизип көрөбуз.

Белоруссия же Казакстан

Эң биринчи издөө системасына киргизгенде Белоруссия жана Казакстанда дал ушул эле сүрөттөр менен окшош маалыматтар таралып жатканын байкадык.  Эми издөө системасы бизге таап берген сайттарга кирип, маалыматтын булагын издөөгө аракет кылып көрөбүз.

Белоруссиянын маалымат булактарында Солигорс шаарындагы отургучтарда ВИЧ оорусу жугузулган ийнелер бар деген маалымат жарандын социалдык тармактагы баракчасына жазганын айтып чыгышкан.

Ошол эле учурда Казакстандын дагы маалымат булактарынла дал ушул сүрөт менен, Караганда шаарындагы отургачтарда табылган ийнелер менен элди дүрбөлөңгө салып жатышканын жазышкан.

Станислав же Святослав

Белоруссиялык маалымат булактарда маалыматтын булагы көрсөтүлгөн. Бирок, кээ бирлеринде Станислав болсо, кээ бирлеринде Святослав.

Кайсыл социалдык тармак аркылуу маалыматтын таратылганын билгенден кийин, маалымыаттын булагын издеп көрдүк. Жыйынтыгында, Белорусиянын Солигорск шаарынын тургуну Святослав Кукреш 2018-жылдын, 4-ноябрында бул маалымат менен бөлүшкөнү аныкталды.

Демек, бул сүрөттөр Бишкекте тартылган эмес жана  мессенжерлер аркылуу таратылып жаткан маалыматтар туура эмес. Ал эми Белоруссияда муну фейк эмес, чыныгы маалымат деп билдиришкен.

Ырысбү Кылычбек кызы