Бишкекте эл аралык Айтматов театр фестивалы өтүүдө

Бишкекте кечээ башталган эл аралык театр фестивалы 17—ноябрга чейин созулат. 

Чыңгыз Айтматовдун чыгармаларынын негизинде коюлган спектаклдерди Т.Абдумомунов атындагы Кыргыз улуттук академиялык драма театрынан жана Ч. Айтматов атындагы  орус драма театрынан көрүүгө болот.
Айтматов жана театр» эл аралык театралдык фестивалдын ачылышында  Сооронбай Жээнбеков катышуучуларга куттуктоо жолдогон.
Мамлекет башчы  Айтматовдун чыгармачылыгы  искусствонун бардык түрлөрүн өнүктүрүүгө негиз болорун,  Айтматовдун чыгармачылыгына арналган театралдык фестиваль — мунун  жакшы мисалы экенин айткан.

Жума бою Бишкек Россия, Азербайжан, Казакстан жана Өзбекстандан келген театралдык жамааттарды кабыл алат.