Аткаминерлердин айлыгын көбөйтүүгө 334 млн 221,5 миң сом бөлүнгөн

КР Финансы министрлиги ушул жылдын он айында республикалык бюджеттен жергиликтүү бюджеттерге бөлүнүп берилген каражаттар тууралуу маалымат  таратты. Анын негизинде айта кетсек, мындай:

2018-жылдын январь-октябрь айларында республикалык бюджеттен жергиликтүү бюджеттерге 3 млрд 613 млн 88,2 миң сом бөлүнүп берилди, анын ичинде:

— теңдөөчү каражат иш жүзүндө 1 млрд 578 млн 666,4 миң сом суммасында каржыланды;

— максаттуу каражат мш жүзүндө 2 млрд 34 млн 421,8 миң сом суммасында каржыланды, анын ичинен:

— жергиликтүү бюджеттердин түшпөй калган кирешелеринин ордун толтурууга жана финансылык айырмачылыктарын жабууга – 1 млрд 221 млн 129,8 миң сом;

Ош шаарынын мэриясынын «Ош жылуулук менен жабдуу» муниципалдык ишканасынын калкты жылуулук энергиясы менен камсыздоосуна байланышкан компенсациялык чыгымдарга – 179 млн сом;

—  мамлекеттик жана муниципалдык кызматкерлердин эмгек акысын жогорулатууга – 334 млн 221,5 миң сом;

— Бийик тоолуу жана алыска барууга кыйын болгон зоналардагы оор, жагымсыз жаратылыш-климаттык шарттарда жашаган адамдарды мамлекеттик колдоонун кошумча чаралары жөнүндө» токтомуна ылайык электр энергиясын пайдалангандыгы үчүн акы төлөө учурунда 50 % өлчөмүндө компенсация төлөп берүүгө – 139 млн 197,7 миң сом;

— жергиликтүү өз алдынча башкаруу органдарына айрым мамлекеттик ыйгарым укуктарды берүүгө республикалык бюджеттен 79 млн 285,2 миң сом;

— «Мыкты айыл өкмөтү» конкурсун ишке ашырууга 6 млн сом;

— жергиликтүү өз алдынча башкаруу органдарынын аймактарынын генералдык пландарын иштеп чыгууга 50 млн сом бөлүнүп берилди.