Бир жумада 16 миңден ашык жол эрежеси бузулган

Өлкө боюнча 2-8-ноябрда  ИИМдин Жол кыймылынын коопсуздугун камсыздоо башкы башкармалыгы тарабынан  16 миң 179 жол коопсуздук эрежесинин бузулушу катталган. Бул тууралуу ИИМдин басма сөз кызматы билдирди.

Мындай жол коопсуздук эрежесинин бузулушу аныкталган:

— 336 айдоочу жол чырактын тыюу белгисинен өтүп кеткен;

— 215 айдоочу мас абалында унаа башкарган;

— 1777 айдоочу жогорку ылдамдыкта унаа башкарган;

— 2528 киши жол белгилеринин талаптарын аткарган эмес;

— 1234 айдоочу иштебеген жарык берүүчү шаймандары менен транспорт каражатын башкарган;

— 1539 айдоочу жол кыймылынын башка катышуучуларына тоскоолдук жаратышкан;

— 3976 киши коопсуздук курун тагынган эмес;

— 58 айдоочу терезелери караңгылатылган унаа башкарган;

— 2751 унаа башкарып бара жатып телефондо сүйлөшкөнү аныкталган.

Бир жума ичинде 904 транспорт каражаты айып унаа токтотуучу жайга токтотулган.