Министр Ибраев «Улуттук энергохолдинг» жоюларын билдирди
- 2 года мурун
Энергетика министри Таалайбек Ибраев «Улуттук энергохолдинг» мамлекеттик ишканасы жоюларын билдирди. Бул тууралуу ал 24-январда Жогорку Кеңештин тармактык комитетинде депутат Эмил Токтошевдин суроосуна жооп берип жатып билдирди.
“Мурда министрлик жоюлуп, холдинг түзүлгөн. Кайра министрлик түзүлгөнү менен энергохолдинг кала берди. Бүгүнкү күндө Коопсуздук кеңешинде каралаган. Менчик компаниялар менен кошо энергохолдинг дагы жоюлат”, — деди министр.
“Улуттук энергохолдинг” 2016-жылы түзүлүп, Энергетика министрлиги жоюлган. 2020-жылдагы Октябрь окуясынан кийин Энергетика министрлиги кайрадан түзүлгөн.
Муну бөлүшүү
