Бишкекте майыптыгы бар балдар үчүн жаңы реабилитациялык борбор ачылды

  • 1 год мурун

Бишкекте майыптыгы бар балдар үчүн «Келечек» реабилитациялык борбору ачылды. Борбордун ачылыш аземи бүгүн, 29-декабрда президент Садыр Жапаровдун катышуусунда өттү.

Президент Жапаров ачылыш аземде сүйлөгөн сөзүндө Кыргызстан Бириккен Улуттар Уюмунун Майыптардын укуктары жөнүндө конвенциясын ратификациялап, майыптыгы бар жарандардын билим берүү, эмгек, эс алуу жана башкаларга болгон жеткиликтүүлүгү боюнча мыйзам алдындагы бардык жоболорун ишке ашырууга умтулуп келе жатканын билдирген.

«Мекендештерибиздин теңчиликке болгон укуктарын камсыздоо аракетиндебиз. Мындай иш-чаралар “2026-жылга чейин Кыргыз Республикасын өнүктүрүүнүн улуттук программасы” сыяктуу маанилүү документтерде камтылган. Бүгүнкү күндө майып жарандарыбызды, анын ичинде балдарды коомдук жашоого толук кандуу кошуу үчүн жаңы максаттарды, милдеттерди жана артыкчылыктарды ишке ашыруу багытындабыз», — деген Садыр Жапаров.

Президенттик администрациядан билдиришкендей, борбор үч кабаттан туруп, 88 орунга ылайыкталган. Борбор балдарды гана эмес, алардын ата-энелерин да кабыл ала алат. Долбоор боюнча имараттын аянты 1 756 чарчы метрди түзөт. метр, курулуш аянты 508 кв. метр. Реабилитациялык борбордун имараты шаардык электр жана суу менен камсыздалган (муздак жана ысык суу), канализация жана жылуулук тармактарына кошулган.

Муну бөлүшүү

Журналисттик иликтөөлөр

Помочь проекту

договором оферты