Президент Жапаров мамлекеттик сыйлыктарды тапшырды
- 2 года мурун
Бүгүн, 29-декабрда президент Садыр Жапаров ар кыл тармактын өкүлдөрүнө өзгөчө сиңирген эмгеги үчүн мамлекеттик сыйлыктарды тапшырды. Бул тууралуу президенттик администрациядан билдиришти.
«Президент Садыр Жапаров чогулгандардын баарын келе жаткан Жаңы жыл менен куттуктап, залда отурган ар тармактын усталары, өз өлкөсүнүн мекенчилдери өлкөбүз үчүн болгон билимин, тажрыйбасын аяшкан жок, деп баса белгиледи. Алар жамы журттун, жалпы Кыргызстандын ишенимдүү таянычы, тиреги болуп саналат», — деп айтылат маалыматта.
Сыйлыктар өлкөнүн социалдык-экономикалык, интеллектуалдык жана маданий потенциалын өнүктүрүүгө салым кошкон жарандарга ыйгарылды.
Муну бөлүшүү
