Түндүк-түштүк жолуна Азия өнүктүрүү банкы грант берүүгө даяр

Түндүк-Түштүк жолуна Азия өнүктүрүү банкы 68,5 млн доллар насыя жана 9,5 млн доллар грант берүүгө даяр.  Бул тууралуу транспорт жана жол министринин орун басары Азимкан Жусубалиев билдирди.

Жолдун Балыкчыдан Бишкек-Торугарт багытындагы, Кочкордон Эпкин айылына чейинки бөлүгүндөгү 68 чакырымды каржылоо жагы калды, калганы каржыланып бүттү.

Насыя мөөнөтү – 32 жыл, жеӊилдетилген мөөнөтү – 8 жыл. Кыргыз тарап 12 млн 750 миӊ доллар кошумча каражат кошууга тийиш.

Бул тууралуу Жогорку Кеңештин басма сөз кызматы билдирди.