Кочкордогу жол кырсыгынан жети адам жабыркады

Кырсык бүгүн таңга жуук Бишкек – Нарын – Торугарт жолунун 180 чакырымында, Сары-Чат тилкесинде болгон. Өзгөчө кырдаалдар министрлигинин маалыматына караганда, Audi S4 үлгүсүндөгү машине жолдон чыгып, ала-салып кеткен.

Кырсыктан ар кандай жаракат алган жети адамга алгачкы медициналык жардам көрсөтүлүп, «Тез жардам» кызматына өткөрүлүп берилди.

Жол кырсыгынын себептери азырынча белгисиз, аны тиешелүү кызматтар иликтөөдө.