Бизнес-омбудсмен түзүү коомдук талкууга коюлду

КР Өкмөтү бизнес омбудсмен кызматын түзүү маселесин карап жатат. Андай институт ишкерлердин укугун жана мыйзамдуу кызыкчылыктарын коргоону, ошондой эле мамлекеттик жана өзүн-өзү башкаруу органдарындагы коррупциянын алдын-алууну шарттайт. Бул тууралуу  Өкмөттүн басма сөз кызматы кабарлады.

Бизнес- омбудсмен түзүү зарылдыгы тууралуу сунушту Жогорку Кеңештин депутаты Айтмамат Назаров киргизген.

Бир катар мамлекеттерде финансы омбудсмени, салык омбудсмени жана бизнес-омбудсмен сыяктуу институттар бар. Чет элдик тажрыйбаларды жана эксперттик пикирлерди эске алып, бизнес-омбудсмен институтун түзүү кадамы коюлду. Учурда аталган маселе коомдук талкууда коюлду.