Премьер Баткенге барат

Мухаммедкалый Абылгазиев бүгүн бир күндүк жумушчу сапары менен Баткен облусуна барарын Өкмөттүн басма сөз кызматы билдирди.

Өкмөт башчы Баткен жана Лейлек райондорундагы мектептердин жана бала бакчанын ачылыш салтанатына катышат. Кесиптик лицейдин курулушунун жүрүшү менен таанышып,  көрүнүктүү мамлекеттик жана саясий ишмер И.Раззаковдун эстелигине гүл коет.

Сапардын алкагында Премьер-министр айыл чарба көргөзмөсүнө барып, Лейлек районунун 90 жылдыгын белгилөөгө катышмакчы.