Ашууда калган чабандар мал-жаны менен кошо куткарылды

18-октябрда Тогуз-Торонун Алакан жайлоосуна жааган калың кардан улам  8 чабан 2 миңден ашуун кою менен Сары-Кыр ашуусунан аша албай калган.

19-октябрда чабандардан кабар алуу үчүн ӨКМдин Тогуз-Торо райондук бөлүмүнүн куткаруучулары авариялык куткаруу унаасы менен чыгып кетишкен. Кар калын жаагандыктан жолду тазалоо зарылчылыгы келип чыккан.

22-октябрда чабандар мал-жаны менен ашуудан аман-эсен өткөрүлүп, Сузак районунун Курманбек айыл аймагынын Үрүм-Баш тилкесине жеткирилген. Учурда  чабандардын абалы туруктуу экенин жана алар жардам берген куткаруучуларга ыраазычылык билдирип жатканын бүгүн ӨКМдин маалымат кызматы кабарлады.