Кыргыз-тажик аймагында бир суткада эки жолу жер титиреди

КР Улуттук илимдер академиясынын Сейсмология институтунун маалыматы боюнча кечээ  кыргыз-тажик чек ара аймагында бир суткада эки ирет жер титиреди. 14-октябрда саат 11:15те Кыргызстан менен Тажикстандын чектешкен аймагында очогунда күчү 5,5 баллга жеткен жер титирөө катталган.

Ош облусунун Чоң-Алай районунда -2,5-3 баллга чейин сезилген.

14-октябрда 13:12де Кыргызстан менен Тажикстандын чектешкен аймагында очогунда күчү 3 баллга жеткен экинчи жер титирөө катталган. Чоң-Алай районунда 2,5 баллга чейин сезилген. Жер титирөөдөн жабыркагандар жана кыйроолор катталган жок.

Бул тууралуу ӨКМ басма сөз кызматы билдирди.