Чүйдүн Чым-Коргон айылында «Хан Жантай» атындагы жаңы стадион курулду

2 года мурун

Чүй облусунун Кемин районунун Чым-Коргон айылында «Хан Жантай» атындагы стадиондун ачылышы өтөт.

Стадион Ички иштер министрлигинин отставкадагы полковниги Бабан Сыдыгалиевдин демөөрчүлүгү менен курулду.

Курулуш иштери 2021-жылдын 11-февралында башталып, ушул жылдын 23-июлунда аяктады.

«Стадионду айыл өкмөтүнө белек кылабыз. Бул жакта Чым-Коргон жана Самансур айылдарынын тургундары үчүн спорт менен машыгуу мүмкүнчүлүгү пайда болгонуна айылдыктар менен бирге кубанып турган убагыбыз», — деди Сыдыгалиев.

Стадиондун эки бөлмөсүндө алты душ, туалет орнотулган, директордун кабинети, кампасы бар.