Садыр Жапаров Тажикстандын президенти Эмомали Рахмон менен телефондон сүйлөштү

Президент Садыр Жапаров Тажикстандын мамлекет башчысы Эмомали Рахмон менен телефон аркылуу сүйлөшүп, кыргыз-тажик мамилелеринин комплекстүү маселелерин талкуулашты. Бул тууралуу президенттик администрациянын басма сөз кызматы билдирди.

Маалыматта өлкө башчылары регионалдык күн тартибиндеги актуалдуу маселелер жана Борбор Азия мамлекеттердин башчыларынын алдыдагы консультативтик жолугушуусу боюнча пикир алмашканы айтылат.