Индонезия: Кырсыктан каза болгондор көбөйдү

Индонезиянын Сулавеси аралында 28-сентябрдан бери бир нече ирет болгон ири жер титирөө жана цунамиден каза болгондор 1 миң 424 кө жеткенин, дагы 113 киши дайынсыз болуп жатканын ТАСС билдирди. 

2,5 миң киши жаракат алып, 70 миң киши  үйлөрүн таштап кеткен.

Сулавеси провинциясында 28-сентябрда магнитудасы 7,4 ге жеткен жер титирөө болуп өткөн. Жердин титиреши эки күн уланып, 170 жолу болгон. Андан кийин толкуну 3-5 метрге жеткен цунами жүргөн.

3-октябрда да магнитудасы 4,8 ге жеткен жер титирөө катталган.