Токаев: Кыргызстан Казакстандын Кудай кошкон кошунасы жана союздашы
- 2 года мурун
Казакстандын президенти Касым-Жомарт Токаев Садыр Жапаров менен болгон тар чөйрөдөгү жолугушууда кыргыз-казак Кудай кошкон кошуна жана өнөктөш өлкө, эзелтеден бири-бирине жакын эл болгонун айтты.
«Үстүбүздөгү жылы дипломатиялык мамилелердин орногонуна 30 жыл толду, бул убакыт аралыгында мамлекеттер ортосунда достук мамилелер чыңдалып, саясий диалог, мамлекеттер аралык жана парламенттер аралык байланыштар түзүлдү», — деди Токаев.
Өз кезегинде Садыр Жапаров бүгүнкү жолугушуулар биргелешкен өз ара алаканы өнүктүрүүнүн мындан аркы келечегин аныктоо үчүн жакшы мүмкүнчүлүк түзөт деген ишенимин билдирди.
Бүгүн, 26-майда Казакстандын президенти Касым-Жомарт Токаев Кыргызстанга расмий сапар менен келди. Эки өлкөнүн башчылары алгач тар чөйрөдө жолугуп, андан соң кеңири форматтагы жолугушууга өтүштү.
