Бишкекте кыргыз айым-режиссерлорунун IV кинофоруму өтөт
- 2 года мурун
26-28-май күндөрү Бишкек шаарында Кыргызстан айым-режиссерлорунун IV кинофоруму өтөт. Бул тууралуу «Азия Чыгармачыл Айымдарынын» коомдук фонду билдирди.
Кинофорумдун алкагында кыргызстандык айым-режиссерлордун тасмалары көрсөтүлөт жана мастер-класстар өткөрүлөт.
Маалыматка ылайык, быйыл иш-чарага чет өлкөлүк режиссерлердун келиши күтүлүүдө.
Уюштуруучулардын билдиришинче, быйыл форум Швейцария өкмөтүнүн каржылык колдоосу менен өтүп жатат.
Кыргызстандын айым – режиссерлорунун I кинофоруму 2016-жылы өткөн. Кинофорумдун максаты — режиссер айымдардын башын бириктирүү, өз ара пикир алышууга шарт түзүү, алардын тасмаларын, эмгектерин публикага таанытуу жана кыргыз киносун эл аралык деңгээлге көтөрүү.
Муну бөлүшүү
