Кашкар Жунушалиев Москвада жол кырсыгынан жабыркаган жарандарды барып көрдү

Бүгүн, 20-июнда, КР Ички иштер министри Кашкар Жунушалиев 2018-жылдын 16-июнунда кыргызстандык таксисттин айынан Москва шаарында жол кырсыгынан жабыркаган жарандарды барып көрдү. 

Баарлашуунун жүрүшүндө Ички иштер министри К. Жунушалиев мындай деп сүйлөдү:

«Сиздердин тез арада сакайып чыгышыңарды каалап, өзүңүздөр үчүн ыңгайлуу убакытта Кыргыз Республикасына келип эс алып кетүүгө чакырабыз. Дүйнөдөгү бийик тоолуу көлдөрдүн бири – Ысык-Көлдө сиздер эс алып гана эмес, күч-кубат топтоп, жаңы досторду табасыздар деп ишенем», – деди ал.

Бул тууралуу Өкмөттүн аппаратынын маалыматтык камсыздоо бөлүмүнөн билдиришти.