Жол оңдоо тармагы боюнча 33 кылмыш иши козголду

Башкы прокуратура тарабынан автоунаа жолдорун куруу, оңдоо иштери боюнча жалпы 33 кылмыш иши козголуп, андан мамлекеттик казына 222 млн. сомго зыян тарткан. Бул маалымат 8-июнда Башкы прокуратура өткөргөн координациялык кеңеште белгилүү болгонун мекеменин басма сөз кызматы билдирди.

Анда баш прокурор Өткүрбек Жамшитов коррупциялык кылмыш иштеринде дыкат иликтөө керек экенин белгилеп өттү.

Кыргызстанда эки-үч жыл мурда эле оңдолуп бүткөн жолдордун сапатына коомчулукта сын күч. Адистер акыркы учурда жолдор жаңы колдонула баштаганда эле бузулуп жатканын айтып келишет.