Бишкекте айып короосунда турган төрт жеңил унаа күйүп кетти

2 года мурун

Бишкекте милициянын айып короосунда турган 4 жеңил унаа күйүп кетти. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, Октябрь районунун Ч. Валиханов көчөсүндө жайгашкан Жол коопсуздугун камсыздоо башкы башкармалыгынын айып төлөнүүчү унаа токтотуучу жайында “Ауди-80” жана “Ниссан Примера” үлгүсүндөгү унаалар толугу менен, “Хонда Аккорд” унаасынын мотор отсеги, “Мицубиси” унаасынын сол бампери күйүп кеткен.

Учурда өрттүн келип чыгуу себеби такталууда.