12 жашар кызды сабаган окуучунун ата-энесине айып салынды
- 2 года мурун
Бишкектеги №6 кичи райондогу сейил бакта 4-класстын окуучусу экинчисин сабап жаткан видео Интернетте тараган. Бул боюнча сабаган кыздын ата-энесине айыппул салынганын Октябрь райондук ички иштер башкармалыгынан билдиришти.
Октябрь райондук ИИБ басма сөз кызматынын маалыматына караганда, 18-октябрда болжол менен саат 23:15те 2010-жылы туулган Ж.М. жаракат алып, №3 балдар ооруканасына түшкөндүгү кабарланган. Териштирүүдө аны 4-класстын окуучусу сабаганы маалым болгон.
Ж. М. аттуу кыздын ата-энеси кызынын сабалгандыгы боюнча арыз менен милицияга кайрылган.
Бул факт Октябрь райондук ИИБде катталып, экспертиза дайындалган.
Милицияга 2011-жылы туулган кызды сабады деген Ч. А. апасы менен чакырылган.
Мындай көрүнүштөрдү кайталабоо тууралуу сүйлөшүү болуп, кыздын ата-энесине 1000 сом айып салынган.
Факт милицияда катталып, соттук-медициналык экспертиза дайындалган. 4-класстын окуучусунун ата-энесине кылмыш-жаза кодексинин 102-беренеси («Ата-энелик милдеттерин аткаруудан качуу») менен протокол түзүлүп, миң сом айыппул салынган.
