Токтогул шаарында эң көп добушту «Ата-Журт-Кыргызстан» партиясы алды

Борбордук шайлоо комиссиясы (БШК) 10-апрелде Токтогул шаардык кеңешине шайлоонун алдын ала жыйынтыгын жарыялады. Ага ылайык, шайлоого добуш берүүчүлөрдүн 35,76% (4645 адам) катышты.

Алдын ала жыйынтык боюнча, “Ата-Журт-Кыргызстан” 18,47%, “Тынчтык” 15, 74%, “Ынтымак” 15,05%, “Бирге-Вместе” 13,43%, “Мекен ынтымагы” 12,70%, “Ишеним” 11,80% , ал эми “Эл үмүтү” партиясы 11,60% добуш алды.

Жекшембиде Токтогулдан тышкары, Таш-Көмүр, Кара-Балта шаардык, ошондой эле Жалал-Абад, Ысык-Көл, Нарын, Ош жана Чүй облустарындагы 13 айылдык кеңешине шайлоо өттү.