Жээнбеков жемкорлор кайтарган акчаны атайын эсепке топтоону буйруду

Коррупциялык кылмыш иштерин тергөөдө кайтарылган жана соттун чечими менен өндүрүлгөн каражаттар атайын эсепке топтолот.

Мындай эсепти ачуу тапшырмасын бүгүн президент Сооронбай Жээнбеков тийиштүү органдарга берди. Бул тууралуу Кыргыз Республикасынын президенттик аппаратынын маалымат бөлүмү кабарларды.

Президенттин тапшырмасын аткаруу үчүн Башкы прокуратуранын, УКМКнын, Ички иштер министрлигинин, Экономикалык кылмыштарга каршы күрөшүү боюнча мамлекеттик кызматтын жана Улуттук банктын жетекчилери чогулуп, кеңешме өткөрдү.