Баскетболчулар Азия кубогуна катышат

КР баскетбол боюнча курама командасынын мүчөлөрү Азия кубогуна катышат. Азия кубогу 27-апрелден 2-майга чейин Шэньчжеэнь (Кытай) шаарында өтөт. Аталган мелдеште өлкө намысын спортчулар Шакиржан Куранбаев, Евгений Пехов, Нуртай Субанбеков, Дмитрий Данышин коргойт.
Спортчулар Спорттун олимпиадалык түрлөрү боюнча дирекциясы тарабынан каржыланды. Дирекциянын бюджетинен 283 миң сом каралган.
Бул тууралуу Жаштар иштери, дене тарбия жана спорт боюнча мамлекеттик агенттиктин басма сөз кызматы маалымат берди.