Медианы көз карандысыздыкка жетелеген #MediaToptoo

Бишкекте Кыргызстандагы журналисттердин башын бириктирген “Медиа toptoo” индустриалдык форуму өтүп жатат. Иш чара Интерньюстун Кыргызстандагы өкүлчүлүгү тарабынан ЮСАИДдин колдоосу менен ишке ашууда.

“Топтоо – бул бир аянтка чогултуу деген кыргыздын сөзү. Биздин форум Кыргызстанда сапаттуу, көз карандысыз медианы өнүктүрүүгө кызыкдар болгон көз караштары бирдей адамдарды чогултуп отурат” деди Интерньюс Кыргызстандын жетекчиси Элина Карагулова.

Форумга АКШдан, Орусиядан, Украинадан Мишель Фостер, Иван Колпаков, Андрей Таранов Всеволод Пуля сыяктуу жрналистикада ийгиликтерди жараткан спикерлер катышып, өз тажрыйбалары менен бөлүшүүдө.

Иш чара эки күнгө созулуп журналисттер жаңы технологиянын заманында медианы кантип брендге айлантып, реклама аркылуу көз карандысыздыкка жетүүнүн жолдорун талкуулашат.