АКШда Барбара Буш көз жумду

АКШнын 41-президенти Жорж-Буштун жубайы Барбара  Буш кечээ, 17-апрелде,  92 жашында көз жумду. 

АКШнын эки экс-президентинин жакын адамы—Жорж Буштун жубайы, Жорж Буш-кичүүсүнүн апасы Барбара Буш 92 жашында каза болду.  Уулу Жорж Буш минтип жазган: “Менин ардактуу апам 92 жашында кайтыш болду. Биз—Лора, Барбара жана Женна кайгырып турабыз. Барбара Буш мыкты биринчи айым болду, кайталангыс аял, миллиондогон адамдарга сүйүү жана сабаттуулукту тартуулаган”.

Барбара Буш Нью-Йорк шаарында туулган.   Жорж Буш менен 16 жашында таанышып, 1945-жылы үйлөнгөң. Барбара Буш элди сабаттуулукка үндөөгө басым жасап, кайрымдуулук фондун ачкан.

Барбара менен Жорж Буш 5 балалуу болгон. Балдарынын бири— Жорж Буштун кичүүсү АКШнын эки жолку президенти болгон. Жорж Буш  улуусу 94 жашта.