Президент Индира Жолдубаеваны кызматтан алуу сунушун ЖКнын профилдик комитетине жиберди

Жогорку Кеңештин Конституциялык мыйзамдуулук, мамлекеттик түзүлүш, сот-укуктук маселелер жана регламент боюнча комитетине Президент Сооронбай Жээнбековдон Башпрокурор Индира Жолдубаеваны кызматтан алуу боюнча сунуш келип түштү.  Бул сунушту Президенттин аппарат жетекчиси Мухамедкалый Абылгазиев тааныштырмакчы.

Кыргыз Республикасынын Башмыйзамынан 64-беренесине ылайык, Президент Башпрокурорду Жогорку Кеңештин макулдугу менен дайындайт жана парламент депутаттарынын жарымынан көбүнүн добушу менен кызматтан ала алат. Же депутаттардын үчтөн бир бөлүгү Баш прокурорду кызматтан кетирүү демилгесин көтөрүп чыкса болот.