Youtube компаниясындагы атышуу 

3-апрелде АКШдагы Сан-Бруно шаарында жайгашкан Youtube  компаниясынын баш кеңсесинде ок атышты. Ок аткан аялдын сөөгү табылды жана үч адам жаракат алган. 

Би-Би-Си телеканалы билдиргендей, Сан-Бруно шаарынын шеф-полициясы Эд Барберини жараланган үч адамдан сырткары бир аялдын сөөгү табылганын айтты. Маалыматтарга караганда ал аял өзүн-өзү атып салган.

Сан-Франциско шаарынын доктору Эндрю Кемпбелл ооруканага үч адам жабырланып түшкөнүн, алардын бирөөнүн абалы  оор экенин билдирген. Жаралангандардын арасындагы 36 жаштагы адам Си-Би-Эс телеканалынын маалыматы боюнча ок аткан аял менен жакын мамиледе болгон.  Полиция бул маалыматты тактай элек.

Ага чейин социалдык түйүндөрдө  Youtube каналында атышып жатышканын жазып чыгышкан.