Гуламжан Анарбаев Материалдык резервдер фонд төрагалыгынан бошотулду

Премьер-министр Сапар Исаков Анарбаев Гуламжан Сатбалдиевичти КР Өкмөтүнө караштуу Мамлекеттик материалдык резервдер фондунун төрагасы кызматынан бошотту.

Бул тууралуу Өкмөттүн аппаратынын коомчулук жана жалпыга маалымдоо каражаттары менен иштөө бөлүмү билдирди.

Г. Анарбаевдин кызматтан бошотулганынын себеби айтылган жок.

Ал 49 жашта.  Ош облусунун Кара-Суу  районунун Төлөйкөн айылында туулган. Буга чейин милицияда, финансы полициясында жооптуу кызматтарда иштеп келген. Материалдык резервдер фондунун төрагалыгына 2016-жылдын декабрь айында дайындалган.