ӨКМ: Бүгүн, эртең туруксуз аба ырайы күтүлөт

2018-жылдын 2-апрелинен 3-апрелине чейин туруксуз аба ырайы күтүлөт. Мезгил-мезгили менен жаан жаап, тоолуу райондордо кар жаашы, айрым жерлерде жаан-чачын катуу жаашы, бийик тоолуу райондордо жолдор тайгак жана тоңголок болуп, кар күрткүсү күтүлөт.

Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.

Абанын температурасы төмөндөп: түнкүсүн Чүй, Талас өрөөндөрүндө 3…8°, күндүз 11…16° жылуу, Ош, Жалал-Абад, Баткен облустарынын дыйканчылык аймактарында түнкүсүн 5…10°, күндүз 13…18° жылуу, тоо этектеринде жана Ысык-Көл ойдуңунда түнкүсүн 0…5°, күндүз 5…10° жылуу, тоолуу райондордо жана Нарын облусунун дыйканчылык аймактарында түнкүсүн -1…-6° суук, күндүз 4…9° жылуу, бийик тоолуу райондордо түнкүсүн -13…-18°, күндүз -2…-7° суук болушу күтүлөт.

Мындай туруксуз аба ырайы унаа, энергетика жана коммуналдык кызматтардын ишин жана кышкы жайыттарда малды кармоону кыйындатат.

2018-жылдын 2-апрелинен 4-апрелине чейин аба ырайынын температурасынын жогорулашына кар күрткүсү жана кар көчкү түшүү коркунучу сакталып, жолдордун айрым жерлери тайгак болуп, муз тоңот.

2-3-апрелде күтүлүп жаткан нөшөр жаан-чачынга байланыштуу Ош, Жалал-Абад жана Баткен облустарынын тоолу жана тоо этектериндеги райондорунда суунун деңгээли кескин көтөрүлүшү жана ойдуң жерлерде суу капташы мүмкүн.