Соода-оюн-зоок борборлорунда өрт коопсуздугу текшерилет
- 6 лет мурун
- Маек
Бүгүн, 28-марттагы Өкмөт жыйынында, премьер-министр Сапар Исаков Россиянын Кемерово облусундагы “Зимняя вишня” соода-оюн-зоок борборундагы көп залака алып келген өрткө байланыштуу Кыргызстанда да бардык соода-оюн-зоок борборлорунда жана коомдук, эл агымы арбын жерлерде өрт коопсуздугу кандай сакталарын текшерип чыгуу тапшырмасын берди.
Премьер Экологиялык жана техникалык коопсуздук мамлекеттик комитетине жергиликтүү бийлик менен бирдикте ыкчам түрдө бардык соода-оюн-зоок борборлорундагы жана коомдук жайлардагы өрт коопсуздугун текшерүүнү тапшырды.
Ошондой эле КР Өзгөчө кырдаалдар министрлигине эл арасында өрт коопсуздугу боюнча сабактарды жана түшүндүрүү иш-чараларын жүргүзүүнү талап кылды.
Бул тууралуу Өкмөттүн ЖМК жана коомчулук менен иштөө бөлүмү кабарлады.
