Tez Jet дагы Баткенге жете албай калды!

Бүгүн, 27-мартта, эртең менен Tez Jet авиакомпаниясынын самолету Бишкек-Баткен каттамы менен учуп, Баткенге коно албай, кайра Бишкекке келди. Анын себебин аба ырайынын бузулушунан экендигин  “Манас” аэропортунан билдиришти.

Ушул жылдын март айынын ичинде бул ушуну  менен үчүнчү жолку самолеттун Баткенге коно албай калышы.   Алсак, 1-мартта Tez Jet авиакомпаниясынын самолетунун кыймылдаткычы иштебей, учаары менен кайра “Манас” аэропортуна кайтып консо, 13-мартта да аба ырайынын бузулушунан улам Баткенге жетпей, кайра “Манас” аэропортуна кайтып келгени маалым.