Аймактарда медициналык тейлөө жакшырып жатат

Нарын облусунун Ат-Башы районунун Бирлик айылында жана Ак-Талаа районунун Эмгек айылында Түркия Республикасынын Премьер-министринин аппаратына тиешелүү эл аралык кызматташуу агенттиги (ТИКА)  тарабынан курулган эки Фельдшердик-акушердик пункттардын (ФАП) расмий ачылышы болду.

Ачылуу аземине Түркия мамлекети тарабынан ТИКА башчысынын орун басары Мехмет Сюррея Эр, ТИКАнын  Бишкектеги координатору Али Муслу, областтын губернатору, райондордун акимдери жана жергиликтүү калк катышты. ТИКА жетекчилиги боордош кыргыз элине ар тараптуу колдоолорду дагы да көрсөтөөрүн, Президент Сооронбай Жээнбековдун «2018-жыл — Аймактарды өнүктүрүү» жылын колдоп, бир канча долбоорлорду ишке ашыруу үстүндө иштеп жатканын билдиришти.