Апрель баатыры Аскарбековду 70 млн сом доо менен сотко берди

Апрель баатыры, “Элдик сакчы” коомдук бирикмесинин негиздөөчүсү “Дан” мамлекеттик ишканасынын директору Алга Кылычов жарандык активист Мавлян Аскарбековду 70 млн сомдук доо коюу менен сотко берди.
“Дан” мамлекеттик ишканасынын директору, Апрель баатыры Алга Кылычов Мавлян Аскарбековду “маргинал”, “торпедо” деген ат коюп, 2016-жылы Kyrgyztoday сайтында кадыр-баркыма шек келтирди деп, 70 млн сомдук доо коюп, сотко берди. Сот Бишкектин Биринчи май районунда, 17-апрелде болмокчу.
Ал эми Мавлян Аскарбеков Алга Кылычов анын сынына эки жылдан кийин гана реакция бергенине таң калганын билдирүүдө.