Аксы окуясын эскеришти. Талап коюшту

Бүгүн, 17-мартта, “7-апрель” скверинде чогулгандар “Медиа форум” имаратынын алдында Аксы окуясын эскеришти, 7-апрель революциясынын жетишкендиктерин жана коррупцияга каршы иш-аракеттерди батыл улантуу боюнча талап коюшту. Иш-чарага “Айкөл Ала Тоо”, “Мекен шейиттери” коомдук бирикмелери Аксы окуясынын катышуучулары ж.б. катышты.
Иш-чаранын катышуучулары Мамлекет башчы, Өкмөт башчы, Жогорку Кеңеш төрагасынын наамына Кайрылуу кабыл алып, коррупция менен күрөштү батыл жүргүзүү, сотторду калыс тандоо, коррупцияга малынгандарды жолотпоо талабын коюшту. Экс-президенттер Аскар Акаев менен Курманбек Бакиевди Кыргызстанга чакырабыз деген чагымчылар чыгып жатканын, аларды токтотуу керектигин эскертишти.