Ар жылы Нооруз утурлап!  (Фоторепортаж)

Астана шаарында бүгүн, 15-мартта өткөрүлгөн Борбор Азия мамлекет башчыларынын биринчи консультациялык жолугушуусунун жыйынтыгы боюнча биргелешкен билдирүү кабыл алышты. Бул туурасында жалпыга маалымдоо каражаттарынын өкүлдөрүнө Казакстандын Президенти Нурсултан Назарбаев маалымдады.
Ал жолугушуу абдан ийгиликтүү, өз ара түшүнүшүү маанайында өткөндүгүн, эл аралык, анын ичинде аймактык коопсуздук, канатташ чек ара, транспорттук коммуникация, суу-энергетикалык ресурстар, тарифтик саясат, соода-экономикалык жана маданий гуманитардык кызматташуу маселелери боюнча иштиктүү пикир алмашуу болгондугун белгиледи.
Казакстандын Президенти Нурсултан Назарбаев ар жылы Нооруз алдында Борбордук Азия мамлекеттеринин биринде жолугушуу макулдашылгандыгын маалымдады. Кийинки жолугушуу 2019-жылы Ташкент шаарында өткөрүлөт.

КР Президентинин басма сөз кызматы, фотолорун тарткан Султан Досалиев.