Нурканбек Момуналиев кызматтан кетип жатат
- 6 лет мурун
- Блог
Бүгүн, 12-мартта, премьер-министр Сапар Исаков Өкмөттүн аппарат жетекчиси Нурканбек Момуналиевди кызматтан бошотуу боюнча Президент Сооронбай Жээнбековго сунуштама берди.
12-мартта, премьер-министр Сапар Исаков Өкмөттүн аппарат жетекчиси Нурканбек Момуналиевди кызматтан бошотуу боюнча президент Сооронбай Жээнбековго сунуштама бергендигин Өкмөттүн басма сөз кызматы кабарлады.
Нурканбек Момуналиев кызматтан кетип жаткандыгы тууралуу өзү мындай дейт:
—Кызматтан кетейин дедим, анын себеби Өкмөттүн аппаратынын эл аралык документтерди даярдоодо олуттуу катасы үчүн жоопкерчиликти сезип жатам. Евразиялык экономикалык биримдиктин Бажы кодексин даярдоодо катачылыктар кетирилген — деп түшүндүрдү Нурканбек Момуналиев.
Ушул жылдын 8-апрелинде премьер-министр Сапар Исаков Евразиялык экономикалык биримдиктеги Кыргызстандын өкүлү, өкмөт аппаратынын Евразиялык экономикалык биримдик иштери боюнча бөлүм башчысы Санжар Үмөталиевди кызматтан бошотуу тууралуу буйрукка кол койгон.
Эскерте кетсек, 2017-жылдын 30-декабрында Жогорку Кеңеш шашылыш түрдө кезексиз жыйында президенттин “Евразиялык экономикалык биримдиктин Бажы биримдигинин Келишимин ратификациялоо” боюнча мыйзамына каршы пикирин карагандыгы белгилүү.
