Ош базарында экинчи жолу өрт чыкты

Өзгөчө кырдаалдар министрлигинин басма сөз кызматы кабарлагандай,   5-мартта саат 21:07 чамасында Бишкек шаарынын Ленин районунун Киев көчөсү,  №246 дарегинде жайгашкан Ош базарынын  ичиндеги “Сейтек” соода борборунун жыгач устундуу темир менен жабылган, жалпы аянты 700 чарчы метр эки кабаттуу соода борбору толугу менен күйүп кеткен.

Өрт саат 23:13тө чектөөгө алынып, саат 00:40та өчүрүлгөн.  Өрттүн себеби такталууда.

Ушул эле жылы,  30-январда саат 9.48те Киев жана Бейшеналиева көчөлөрүнүн кесилишиндеги  ушул эле “Сейтек” кичи базарынан  өрт чыккандыгы маалым.