“Кербен” аэропорту иштей баштайт

Жогорку Кеңештин басма сөз кызматы маалымдагандай, бүгүн, 1-мартта, Жогорку Кеңеш жыйынында “Кербен” аэропортунун ишин кайра жандандыруу жөнүндө” Жогорку Кеңештин токтому кабыл алынды.

Депутат Алмазбек Эргешов Жалал-Абад облусунун Аксы районуна авиакаттамды жандандыруу зарылдыгын айтты. Аксы менен чектеш жайгашкан Өзбекстандын Наманган шаарынын тургундары да уча тургандыгы айтылды.

Маалыматка ылайык, 1979-жылы курулган бул аэропорт СССР кулагандан кийин ишин токтоткон.

Жарандык авиация агенттигинин башчысы Курманбек Акышев ички рейстерге учак жетишсиз болуп жатканын жана  аэровокзалды реконструкция жүргүзүүгө тендер жарыялангандыгын маалымдады.