Дүйнөлүк 3-Көчмөндөр оюндары 2-сентябрда ачылат

III Дүйнөлүк көчмөндөр оюндарынын ачылыш аземи 2018-жылдын 2-сентябрында Чолпон-Ата шаарындагы ат майданда болот. Бул тууралуу Өкмөттүн коомчулук жана ЖМК менен байланышуу бөлүмү билдирди.

III Дүйнөлүк көчмөндөр оюндарынын спорттук мелдештери 36 улуттук спорт түрү боюнча өтүп, ага дүйнөнүн 80 ашык өлкөлөрүнөн 3000 тегерегинде спортчу катышары болжолдонууда. Иш-чараны чагылдыруу үчүн 50 өлкөдөн 500 жакын жалпыга маалымдоо каражаттарынын өкүлдөрү чакырылат.