Министр Артем Новиков кыргыз тилин үйрөнбөй калды

12-февралда Экономика министрлиги мамлекеттик Сатып алуулар сайтына кыргыз тилин үйрөтүү боюнча репетитор жалдоого тендер жарыялаган.  Бул коомчулуктун сын пикирине кабылгандан кийин,  15-февралда Экономика министрлиги бул тендерди кайтарып алганын министрликтин басма сөз кызматы маалымдады.

Мурдагы тендерге ылайык, Экономика министрлигинин 36 кызматкери үчүн 288 миң, экономика министри Артем Новиковдун жеке өзүнө кыргыз тилин үйрөткөн мугалимге 36 миң сом төлөнөөрү каралган болчу.