Айып пулга жыгылгандардын үйлөрү сатыкка коюлат

14-февраль күнү Бишкек шаарынын Октябрь райондук сотунда Алмазбек Атамбаевдин доосу боюнча жоопкер укук коргоочу Чолпон Жакупованын Ысык-Көл облусундагы үйүн каттоого алып, сатыкка чыгаруу боюнча соттук аныктама чыгарылды. Бул иш боюнча сот аткаруучулардын өтүнүчүн караган судья Кымбат Архарова мурдагы президентке доого жыгылгандардын ичинен алгач укук коргоочу Чолпон Жакупованын үйүн сатыкка чыгарууга уруксат берген аныктаманы чыгарды. Ага ылайык, эми анын үйү көз карандысыз баалоочулар тарабынан бааланып, ачык сатыкка коюлат.