Сузак району: “Хиз-бут-тахрирдин” төрт мүчөсү кармалды

Ички иштер министрлигинин басма сөз кызматы билдиргендей,  3-февралда Жалал-Абад облусунун Сузак районунан «Хизб-ут-Тахрир аль Ислами» диний-экстремисттик уюмунун төрт мүчөсү ИИМ кызматкерлери тарабынан кармалды.

Алардын жашаган жерин текшерүү учурунда аталган уюмга таандык экстремисттик мүнөздөгү материалдар табылган.
Азыркы учурда алынган материалдар боюнча тиешелүү экспертиза дайындалып, кошумча ыкчам-иликтөө иштери жүрүп жатат.