27 жаштагы аял кайын атасын өлтүрүүгө шектелүүдө
- 1 неделя мурун
Ош облусунда кайын атасын өлтүрүүгө шектелип 27 жаштагы аял кармалды. Бул тууралуу Kaktus.media Ош облусттук ички иштер башкармалыгына шилтеме жасап, жазып чыкты.
Маалыматта айтылгандай, 1-сентябрда милиция бөлүмүнө шектелип жаткан аял кайрылып, 1-сентябрга караган түнү аны менен 1960-жылы туулган кайнатасынын ортосунда уруш чыгып, уруш учурунда ал кайнатасын учтуу нерсе менен урганын айтып берген. Алган жарааттарынын айынан киши өлүп калган.
Аталган факт боюнча Кылмыш-жаза кодексинин 122-беренесинин «Киши өлтүрүү» негизинде кылмыш иши козголгон.
Ошондой эле «текшерүүнүн жүрүшүндө жаңы жагдайлар аныкталып, 1997-жылы туулган Н.А. экинчи шектүү кармалганы» айтылат маалыматта. Бирок кандай жагдайлар экендиги тууралуу жана экинчи шектүүнүн аталган кылмышка кандай тиешеси бар экендиги ачыкталган эмес.
Сүрөт: интернет булактары
