Үмүт Култаева кызматтан алынды

Өмүрбек Бабановдун Он-Адырдагы сөзүндө “улут аралык чакырык болгон эмес” деп бүтүм чыгарган Үмүт Култаева кызматтан алынды.  

Парламенттеги «Республика — Ата Журт» фракциясынын мурдагы депутаты Өмүрбек Бабановдун Ош шаарындагы Он-Адыр кичи районунда сүйлөгөн сөздөрүн талдаган көз каранды эмес адистер тобунун мүчөсү Үмүт Култаева КУУдагы Конфуций институтунун директору кызматынан алынды. Култаева муну адистер тобунун «Бабановдун айткандарында улут аралык чакырык болгон эмес” деген бүтүмү менен байланыштырууда.

Ал эми университеттин ректору Канат Садыков кызматтан бошотууну Үмүт Култаеванын эмгек келишиминин мөөнөтү аяктаганы менен түшүндүрдү.

Булак: Азаттык